يعدى يوم وراه ايام ونستنى طبيب القلب
ونسمع همستك يا زمان ونحتاجلك يا نبض الحب
جميل لحنك يا صمت الليل وقمرك وحدو مالو ذنب
ده ذنب حياة بقت اوهام وكلو بعيد... حتى القرب
* * *
ونحتاجلك يا حب جميل تملى الدنيا والايام
ده بيك الصمت يبقى حياة وبردو نحقق الاحلام
ونعلن حكمنا عالحزن.... وطبعا حكمنا اعدام
ونور الفرح يملى قلوب وتبقى حقيقة مش اوهام
* * *
يعدى يوم وراه ايام ونستنى..... اكيد موجود
اكيد راجع هيملى حايتنا بالبسمة كمان وورود
ونمحى الهم والاحزان ونبدا فرح مالو حدود
ويعلى الصوت بنبض الحب وضحكة قلبنا هتعود
* * *
وامتى نلاقى ضوء الشمس وتملى الكون يا ضى الليل..؟
بنسمة حب يحلى العمر دى نسمة رقيقة تشفى عليل
ونمحى دموع بقالها سنين ده حب العمر مالو بديل
وغنى ياطير باسم الحب كلام الحب بردو جميل
مندوووووو
موضوع: ..::(( حصريا قصيدة ))::.. ..::(( ونحتاجلك يا نبض القلب ))::. 
الإثنين مايو 21, 2007 4:08 am
